Tungumálanámskeið í Finnlandi

Finnskukennsla í Finnlandi

Byrjenda- og framhaldsnámskeið í finnsku eru í boði um allt landið, til dæmis í símenntastofnunum og lýðskólum sem eru í langflestum sveitarfélögum Finnlands. Kennslan fer til dæmis fram á finnsku, sænsku eða ensku. Í sumum sveitarfélögum standa innflytjendum tungumálanámskeið til boða án endurgjalds.

Lista yfir allar símenntastofnanir Finnlands má finna á vefsvæði Sambands finnskra símenntastofnana.

Símenntastofnanir tíu stærstu sveitarfélaganna eru:

Finnska er einnig kennd víðar, meðal annars í opnum háskólum í Helsinki, Oulu og Rovaniemi. Nánari upplýsingar á vefsvæði opna háskólans.

Ýmsir lýðskólar víða um land bjóða einnig upp á tungumálanámskeið. Nánari upplýsingar um starfsemi lýðskólanna eru á vefsvæðum þeirra.

Á hverju sumri standa fræðsluyfirvöld í Finnlandi fyrir hraðnámskeiðum í finnsku og finnskri menningu fyrir byrjendur og lengra komna, meðal annars sumarnámskeiðum. Fræðsluráð stendur einnig fyrir námskeiðum og starfsnámi í háskólum erlendis fyrir erlenda finnskunema.

Kennsla í norðurlandamálum í Finnlandi

Sænskunámskeið eru í boði víða um landið í símenntastofnunum, opnum háskólum og lýðskólum. Kennslan fer oftast fram á finnsku.

Minna er um kennslu í dönsku, norsku og íslensku, en símenntastofnanir stærstu sveitarfélaganna sem og opnir háskólar, tungumálamiðstöðvar háskóla, sumarframhaldsskólar og lýðskólar bjóða þó slík námskeið í einhverjum mæli. Norræna félagið í Finnlandi, Pohjola-Norden, býður einnig upp á námskeið í norðurlandamálum öðru hverju. Kennsla í dönsku, norsku og íslensku fer yfirleitt fram á sænsku eða finnsku.