Tungumálanámskeið í Finnlandi

Finnskukunnátta kemur einkum að gagni ef þú kemur til Finnlands til að búa, vinna eða stunda nám þar. Þú getur fundið finnskunám sem þér hentar með því að kynna þér námskeiðaframboð hjá hinum ýmsu stofnunum. 

Fjölmargar stofnanir í Finnlandi bjóða upp á sænskunámskeið. Minna framboð er af námskeiðum í öðrum norrænum málum en er þó eitthvað um slík námskeið, einkum í stærri borgum.

Finnskunámskeið eru í boði um landið allt, til dæmis í lýðskólum, opnum háskólum, sumarháskólum og sumarmenntaskólum. Þú getur fundið námsstofnanir í þinni heimabyggð á listanum hér fyrir neðan. 

Á vefsvæðinu Finnishcourses.fi eru upplýsingar um finnskunámskeið, bæði stað- og fjarnámskeið, sem fara fram í stærri borgum landsins. Á síðunni Kielibuusti.fi finnur þú upplýsingar um stofnanir og fyrirtæki sem bjóða upp á finnskunámskeið sem opin eru öllum. Nánari upplýsingar um hvert og eitt námskeið færð þú hjá þeirri stofnun eða fyrirtæki sem heldur námskeiðið.

Ef þú ert heyrnarskert(ur) og vilt læra finnsku og finnskt táknmál getur þú leitað upplýsinga á vefsvæði Lýðskóla heyrnarlausra.

Fræðsluráð Finnlands (Utbildningsstyrelsen/Opetushallitus) stendur fyrir fjölda námskeiða í finnsku og finnskri menningu á hverju sumri. Námskeiðin eru ætluð þeim sem stunda finnskunám við háskóla í öðrum löndum. Nánari upplýsingar eru á vefsvæði Fræðsluráðs Finnlands.

Nánari upplýsingar um finnskunám í Finnlandi eru á InfoFinland.fi.

Sænskunámskeið eru í boði um landið allt, til dæmis í lýðskólum, opnum háskólum, sumarháskólum og sumarmenntaskólum. Kennslan fer oftast fram á finnsku. Þú finnur upplýsingar um sænskunámskeið í Finnlandi á Finnishcourses.fi og Kielibuusti.fi.

Nánari upplýsingar um sænskunám í Finnlandi eru á InfoFinland.fi.

Minna er um kennslu í dönsku, norsku og íslensku, en símenntastofnanir stærstu sveitarfélaganna bjóða þó slík námskeið í einhverjum mæli. Kennsla í dönsku, norsku og íslensku fer yfirleitt fram á sænsku eða finnsku. Nánari upplýsingar um hvert og eitt námskeið færð þú hjá þeirri stofnun eða fyrirtæki sem heldur námskeiðið.

Þú finnur símenntastofnanir í þinni heimabyggð á síðunum hér fyrir neðan.

Kennsla í norðurlandamálum í öðrum norrænum löndum

Ef þú vilt læra norðurlandamál í öðru norrænu landi en Finnlandi getur þú lesið þér til á síðunum hér fyrir neðan.

Ýmiss konar stofnanir standa fyrir finnskunámskeiðum fyrir fullorðna. Nánari upplýsingar eru hér fyrir neðan, í kaflanum Finnskukennsla í Finnlandi.

Ef þú ert innflytjandi í Finnlandi og vilt bæta atvinnumöguleika þína getur þú tekið þátt í aðlögunarnámskeiði, þar sem þú stundar nám í finnsku eða sænsku og lærir ýmislegt um finnskan vinnumarkað og finnska menningu. Nánari upplýsingar eru á vefsvæði Vinnumarkaðstorgsins (Työmarkkinatori).