Atvinnu- og dvalarleyfi í Noregi

Norrænum ríkisborgurum er frjálst að búa, starfa eða stunda nám í Noregi án sérstaks atvinnu- eða dvalarleyfis. Þeir þurfa ekki heldur að skrá sig hjá lögregluyfirvöldum þegar þeir flytja til Noregs.

Fylgja þarf norskum reglum um skráningu í þjóðskrá og uppfylla kröfur sem eru gerðar um skráða búsetu í Noregi.

Ríkisborgurum annarra landa en Norðurlanda innan ESB/EES er frjálst að ferðast til Noregs og dveljast þar í allt að þrjá mánuði.

Ef þú hyggst dveljast í Noregi lengur en í þrjá mánuði þarftu að skrá þig inn í landið. Engu máli skiptir hvort þú hyggst vinna, stunda nám eða ert ættingi fólks sem býr í Noregi. Skráningin fer fram hjá lögreglu í því sveitarfélagi sem þú býrð í.

Breskir ríkisborgarar eru ekki lengur ESB- eða EES-borgarar. Reglur um dvalarleyfi breskra ríkisborgara eftir Brexit er að finna á tenglinum á UDI hér að neðan.

Ríkisborgarar landa utan ESB/ EES-svæðisins þurfa að kanna hvaða reglur gilda um þá hjá norsku útlendingastofnuninni, Utlendingsdirektoratet, UDI.

Dvalarleyfi í einu norrænu landi veitir ekki sjálfkrafa dvalarleyfi í öðru norrænu landi. Hafðu því samband við norsk yfirvöld (UDI) ef þú hefur dvalarleyfi í öðru norrænu landi en vilt flytja til Noregs.

Norsk yfirvöld krefjast ekki vegabréfsáritunar til að ferðast til Svalbarða en þar sem vegabréfsáritun þarf til að ferðast til Noregs/Schengen þarf vegabréfsáritun þegar ferðast er um Noreg/Schengen á leið til eða frá Svalbarða. Mikilvægt er að tryggja að fá leyfi fyrir tveimur komum í vegabréfsárituninni til að geta farið aftur inn á Schengen-svæðið (meginland Noregs) eftir dvölina á Svalbarða.

Hér að neðan má finna upplýsingar um flutning til Noregs.