Upplýsingar um flutning til Álandseyja fyrir fólk með fötlun

Information för personer med funktionsnedsättning
Hér má finna upplýsingar fyrir fólk með fötlun sem hyggst flytja til Álandseyja.

Á Álandseyjum eru 16 sveitarfélög stór og smá og í þeim eru mismunandi efnahagslegar aðstæður. Sum sveitarfélaganna bjóða upp á íbúðir fyrir fólk með fötlun. Möguleikarnir á að fá íbúð eru mismunandi eftir sveitarfélögum og eftir því hvernig íbúð þörf er á.

Við hvern hef ég samband vegna þjónustu við fatlaða á Álandseyjum?

Nýstofnuð félagsþjónusta sveitarfélaganna á Álandseyjum (KST) ber ábyrgð á nánast allri félagsþjónustu á Álandseyjum frá og með árinu 2021. Ef þú ætlar að sækja um þjónustu fyrir fatlaða skaltu hafa samband við KST en ekki sveitarfélögin. Á síðu KST um þjónustu við fatlaða getur þú lesið þér til um hverjar skyldur KST eru samkvæmt lögum um þjónustu við fatlaða, hvaða bætur og stuðning er hægt sækja um og fleira.

Funktionsrätt Åland

Funktionsrätt Åland er samstarfsstofnun samtaka fólks með fötlun og samtaka sjúklinga á Álandseyjum. Verkefni Funktionsrätt Åland eru meðal annars að fylgjast með málefnum fatlaðra og grípa til aðgerða tengdum þeim, veita upplýsingar um fötlun, aðstoða aðildarsamtökin og halda úti sameiginlegri skrifstofu. Á vefsíðu stofnunarinnar má finna tengla á vefsíður allra aðildarsamtakanna á Álandseyjum. Þau bjóða upp á þjónustu umboðsmanns sem hjálpar þér að fá rétta aðstoð. Umboðsmaðurinn starfar fyrir umbjóðanda sinn óháð yfirvöldum og heilbrigðisþjónustu.

Nánari upplýsingar

Síður landsstjórnar Álandseyja um fötlun:

Hafðu samband við yfirvöld

Ef þú hefur spurningar um réttindi fólks með fötlun geturðu haft samband við Funktionsrätt Åland eða KST

Spurning til Info Norden

Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna