Atvinnu- og dvalarleyfi í Svíþjóð

Sameiginlegi norræni vinnumarkaðurinn er hornsteinn norræns samstarfs. Árið 1954 gerðu Norðurlöndin með sem samkomulag um sameiginlegan norrænan vinnumarkað sem gefur norrænum ríkisborgurum rétt frjálst að hefja störf og setjast að í öðru norrænu landi.

Aðrar reglur gilda um ríkisborgara annarra landa en Norðurlandanna. Hér geturðu kynnt þér hvaða reglur gilda um þig.

Norrænir ríkisborgarar í Svíþjóð

Ef þú ert norrænn ríkisborgari er þér frjálst að flytja til Svíþjóðar, dvelja þar og starfa. Þú þarft hvorki vegabréfsáritun, atvinnuleyfi né dvalarleyfi.

Þú getur dvalið í Svíþjóð í allt að eitt ár. Ef þú hyggst dvelja lengur en eitt ár í Svíþjóð þarftu að skrá lögheimili þitt þar í landi. Þú getur lesið nánar um það á síðunni um skráningu í þjóðskrá.

Ef þú ert ríkisborgari ESB-/EES-ríkis, ert í launavinnu, starfar sjálfstætt, stundar nám eða getur séð fyrir þér geturðu dvalist í Svíþjóð. Með dvalarleyfi er átt við að þú sem ESB-/EES-borgari getur dvalið í Svíþjóð lengur en í þrjá mánuði án sérstaks dvalarleyfis. Ef þú uppfyllir skilyrðin hefurðu sjálfkrafa dvalarleyfi í Svíþjóð og þarft ekki að hafa samband við útlendingastofnun, Migrationsverket.

Við komuna til Svíþjóðar þarftu engu að síður að vera með vegabréf eða persónuskilríki sem sýna ríkisfang þitt.

Ef þú átt ættingja sem eru ríkisborgarar í landi utan ESB þurfa þeir að sækja um dvalarskírteini. Til þess að umræddir ættingjar geti fengið dvalarskírteini þarft þú að geta sýnt fram á að þú uppfyllir dvalarskilyrði í Svíþjóð þar sem þú starfar, stundar nám eða getur framfleytt þér og fjölskyldu þinni.

Ef þú ert svissneskur ríkisborgari þarftu að sækja um dvalarleyfi.

Þú skráir lögheimili þitt í Svíþjóð hjá Skatteverket.

Ef þú ert ríkisborgari í ESB-/EES-ríki, starfar í Svíþjóð en býrð í öðru ESB-/EES-ríki sem þú ferð til einu sinni eða oftar á viku áttu ekki að skrá lögheimili þitt í Svíþjóð.

Ef þú hefur búið í ESB-ríki en ert ekki ríkisborgari ESB-ríkis geturðu að ákveðnum skilyrðum uppfylltum fengið stöðu útlendings með fasta búsetu þar í landi. Þá nýturðu sömu réttinda og ríkisborgarar ESB-landa.

Ef þú ert ekki ríkisborgari ESB-/EES-ríkis þarftu að sækja um dvalarleyfi til að geta búið í Svíþjóð. Upplýsingar um umsóknir um dvalarleyfi í Svíþjóð er að finna á vefsíðu Migrationsverket.

Hvenær þarf að sækja að sækja um sænskt dvalar- og atvinnuleyfi?

Ríkisborgarar landa utan ESB/EES verða að sækja um dvalar- og atvinnuleyfi til þess að geta búið og starfað í Svíþjóð.

Ef þú ert með dvalar- og/eða atvinnuleyfi í einu norrænu landi gildir leyfið aðeins í því landi sem það var gefið út í en ekki á hinum Norðurlöndunum. Ef þú ert með varanlegt sænskt dvalarleyfi (permanent uppehållstillstånd, PUT) gildir það einnig aðeins í Svíþjóð.

Ef þú ert með dvalarleyfi á einhverju hinna Norðurlandanna og vilt starfa í Svíþjóð eða flytja til Svíþjóðar þarftu að sækja um leyfi í Svíþjóð. Hafðu samband við útlendingastofnun Svíþjóðar, Migrationsverket, til að fá upplýsingar um hvernig þú sækir um atvinnu- og/eða dvalarleyfi í Svíþjóð.

Ef þú ert ríkisborgari lands utan Norðurlanda, ESB eða EES og vilt búa í öðru norrænu landi eða landi innan ESB/EES á meðan þú vinnur í Svíþjóð þarftu að sækja um atvinnuleyfi sem vinnuferðalangur (pendler). Til að fá leyfið þarftu að uppfylla sömu skilyrði og þegar sótt er um atvinnu- og dvalarleyfi í Svíþjóð.

Þú þarft að hafa samband við útlendingayfirvöld í landinu sem þú býrð í til að ganga úr skugga um að þú getir ferðast til vinnu í Svíþjóð án þess að það hafi áhrif á dvalarleyfi þitt þar.

Þarftu að sækja leyfi til að heimsækja Svíþjóð?

Ríkisborgarar landa utan ESB sem vilja heimsækja Svíþjóð í allt að 90 daga gætu þurft að sækja um vegabréfsáritun. Vegabréfsáritanir veita leyfi til dvalar innan Schengen-svæðisins í allt að 90 daga á 180 daga tímabili.

Ríkisborgarar landa utan ESB sem vilja heimsækja Svíþjóð í meira en 90 daga þurfa að sækja um dvalarleyfi fyrir heimsókn. Ef þú ert í Svíþjóð og vilt framlengja dvöl þína umfram 90 daga þarftu að sækja um dvalarleyfi fyrir heimsókn.

Þarftu að hafa samband við útlendingastofnun í heimalandi þínu áður en þú sækir um sænskt dvalar- og/eða atvinnuleyfi?

Já, þú þarft að hafa samband við útlendingastofnun landsins sem þú ert þegar með dvalar- og/eða atvinnuleyfi í áður en þú hefur samband við sænsku útlendingastofnunina. Þannig færðu upplýsingar um hvort sænskt dvalar- og/eða atvinnuleyfi hafi áhrif á leyfi þitt í landinu sem þú býrð og/eða starfar í.