Forgangsröðun fram undan í norrænu samstarfi
De nordiska samarbetsministrarna Mogens Jensen (Danmark), Nina Fellman (Åland), Sigurður Ingi Jóhannsson (Island), Ann Linde (Sverige), Thomas Blomqvist (Finland) och Nordiska ministerrådets generalsekreterare Paula Lehtomäki.
Norrænu samstarfsráðherrarnir Mogens Jensen (Danmörku), Nina Fellman (Álandseyjum), Sigurður Ingi Jóhannsson (Íslandi), Ann Linde (Svíþjóð), Thomas Blomqvist (Finnlandi) og Paula Lehtomäki, framkvæmdastjóri Norrænu ráðherranefndarinnar.
Framtíðarsýnin er sú að Norðurlöndin verði grænt, samkeppnishæft og félagslega sjálfbært svæði. Sigurður Ingi Jóhannsson, samstarfsráðherra Íslands, stjórnaði fundinum og lagði áherslu á mikilvægi þess að byggja upp grænt samfélag:
„Við verðum að breyta stefnu okkar í þá veru að samfélög okkar, hagkerfi og lífshættir verði almennt sjálfbærari.“
Aukið erindi til almennings
Sigurður Ingi undirstrikaði að framtíðarsýnin ætti eftir að hafa áhrif á starfið innan Norrænu ráðherranefndarinnar.
„Farið verður yfir öll samstarfssvið og í þeirri undirbúningsvinnu sem nú er að hefjast er markmiðið að tryggja fé fyrir áætlanir, verkefni og starfsemi í anda framtíðarsýnarinnar.“
Paula Lehtomäki, framkvæmdastjóri Norrænu ráðherranefndarinnar, telur að sú forgangsröðun sem nú á sér stað sé mikilvæg:
„Forsætisráðherrarnir tóku skýrt fram að þeir létu sér ekki nægja málamyndabreytingar á samstarfinu. Þeir gera ráð fyrir skýrri forgangsröðun og sú vinna er að hefjast.“
Stefnt er að því að samstarfið höfði enn meira til norræns almennings. Þess vegna felst vinnan einnig í beinum samskiptum við félagasamtök.
Við verðum að breyta stefnu okkar í þá veru að samfélög okkar, hagkerfi og lífshættir verði almennt sjálfbærari.
Nú hefst undirbúningurinn á Norðurlöndum
„Við viljum svo sannarlega að árangur starfsins sé í samræmi við væntingar almennings til samstarfsins,“ segir Sigurður Ingi Jóhannsson. Hann bendir á að við stöndum frammi fyrir sams konar áskorunum og því sé rétt og skynsamlegt að við bregðumst við þeim í sameiningu.
Samskiptin við almenning munu eiga sér stað á samfélagsmiðlum en einnig á fjölmennum málstofum.
